ஐரோப்பாவாக மாறுகிறது இலங்கை...மக்களுக்கு எச்சரிக்கை விடுத்துள்ள வளிமண்டலவியல் திணைக்களம்!

Report
1214Shares

இலங்கையில் வருகிற 13 ஆம் திகதி வரை வடக்கு, வடமத்திய, கிழக்கு, ஊவா மற்றும் மத்திய மாகாணங்களில் பிற்பகலில் மழையோ அல்லது இடியுடன் கூடிய மழையோ பெய்வதற்கான வளிமண்டல நிலைமை உருவாகியுள்ளது.

இது குறித்து வளிமண்டலவியல் திணைக்களம் வெளியிட்டுள்ள அறிக்கையில் தெரிவிக்கப்பட்டுள்ளது.

அதில், வடக்கு, வடமத்திய, கிழக்கு, ஊவா மற்றும் மத்திய மாகாணங்களில் பல இடங்களில் பி.ப. 2.00 மணிக்குப் பின்னர் மழையோ அல்லது இடியுடன் கூடிய மழையோ பெய்யக் கூடிய சாத்தியம் காணப்படுகின்றது.

வடக்கு, வடமத்திய மற்றும் கிழக்கு மாகாணங்களிலும் மாத்தளை மாவட்டத்திலும் சில இடங்களில் 50 மி.மீக்கும் அதிகமான ஓரளவு பலத்த மழைவீழ்ச்சி எதிர்பார்க்கப்படுகின்றது.

மேலும், நாட்டின் ஏனைய இடங்களில் சீரான வானிலை நிலவும் எனவும், அதே வேளை சில நேரங்களில் இடியுடன் கூடிய மழையும் பலத்தக் காற்றும் வீசக்கூடும் என குறிப்பிடப்பட்டுள்ளது.

மின்னல் தாக்கங்களினால் ஏற்படக்கூடிய பாதிப்புகளை குறைத்துக்கொள்ள தேவையான முன்னெச்சரிக்கை நடவடிக்கைகளை எடுத்துக் கொள்ளுமாறு பொதுமக்கள் அறிவுறுத்தப்படுகின்றார்கள்.

இதேவேளை, இடியுடன் கூடிய மழை பெய்யும் வேளைகளில் ஐஸ் மழை பொழிவதற்கான சாத்தியம் சிறிதளவில் காணப்படுகின்றது என அந்த அறிக்கையில் தெரிவிக்கப்பட்டுள்ளது.

43769 total views