ரூ.40 கோடி மதிப்புள்ள தங்க டிபன் பாக்ஸை திருடி திருடர்கள்... கடைசியில் என்ன நடந்தது தெரியுமா?

Report
94Shares

ஹைதராபாத்தில் உள்ள நிஜாம் மியூசியத்தில் அரிய கலைப் பொருட்களை திருடிய 2 பேர் கைது செய்யப்பட்டனர். மேலும், அவர்கள் திருடிச் சென்ற தங்க பொருட்கள் மீட்கப்பட்டன.

நிஜாம் ஆட்சிக் காலத்தின்போது பயன்படுத்தப்பட்ட விலை உயர்ந்த பொருட்கள் ஐதராபாத்தில் உள்ள நிஜாம் மியூசியத்தில் காட்சிக்காக வைக்கப்பட்டுள்ளன.

மியூசியத்தில் தங்கத்தால் தயாரான படங்கள் பதிக்கப்பட்ட பொருட்கள் ஏராளமான அளவில் உள்ளன. மியூசியத்தில் ஆயிரத்திற்கும் மேற்பட்ட பொருட்கள் இருந்தபோதிலும், 400 பொருட்களை பார்ப்பதற்கு மட்டுமே பொதுமக்களுக்கு அனுமதி உண்டு.

கடந்த மூன்றாம் தேதி மியூசியம் அமைந்துள்ள வளாகத்தில் இருக்கும் மரத்தில் கயிறு கட்டி, அதன்மூலம் உள்ளே சென்ற மர்ம நபர்கள், அங்கிருந்த நவரத்தின கற்கள் பதிக்கப்பட்ட மூன்றடுக்கு தங்க டிபன் கேரியர், நவரத்தின கற்கள் பதிக்கப்பட்ட தங்கத்திலான கப் அன்ட் சாசர், தங்க டீஸ்பூன் ஆகியவற்றை திருடிச் சென்றனர்.

இந்த திருட்டு பற்றி விசாரிப்பதற்காக சிறப்பு புலனாய்வுக் குழு அமைக்கப்பட்டது. இக்குழுவினர் நடத்திய விசாரணையில் தெலங்கானா மாநிலம், ரங்கா ரெட்டி மாவட்டத்தை சேர்ந்த முபீம், கவுஸ் பாஷா ஆகியோர் திருட்டில் ஈடுபட்டது தெரியவந்தது.

இந்நிலையில், அவர்கள் இருவரையும் பொலிஸார் இன்று கைது செய்தனர். மேலும், அவர்கள் திருடிச் சென்ற தங்க டிபன் கேரியர், தங்க டீஸ்பூன் ஆகியவற்றை போலீஸார் கைப்பற்றினர்.

முபீம், கவுஸ் பாஷாவிடம் நடத்தப்பட்ட விசாரணையில், மியூசியத்தில் இருக்கும் தங்க தகடு பொருத்தப்பட்ட குரானையும் அவர்கள் திருடிச் செல்ல முயன்றது தெரியவந்தது. மேலும், அந்த டிபன் கேரியரை திருடிச் சென்றவர்கள், அதில் உணவு சாப்பிட்டதும் தெரியவந்துள்ளது.

இதுதொடர்பாக பொலிஸ் கமிஷனர் அஞ்சனி குமார் தெரிவிக்கையில், `2 கிலோ எடையுடைய இந்த தங்க டிபன் கேரியரின் சந்தை மதிப்பு சுமார் ஒரு கோடி ரூபாய். பழமையான பொருள் என்பதால் துபாய் சந்தையில் ரூ. 30 முதல் 40 கோடி வரை விலைபோகலாம்’ என்றார்.

4432 total views