மாடியிலிருந்து தந்தையை தள்ளிவிட்டு கொன்ற மகள்: அதிர வைக்கும் காரணம்!

Report
598Shares

நொய்டாவில் 48 வயதுள்ள நபர் ஒருவர் 3வது மாடியிலிருந்து கீழே தள்ளிவிடப்பட்டு உயிரிழந்த சம்பவமும் பெரும் அதிர்ச்சியை ஏற்படுத்தியுள்ளது.

நொய்டாவில் கடந்த ஞாயிற்று கிழமை காலை 4 மணியளவில் 48 வயதான விஸ்வநாத் ஷாகுவின் மகள் லட்சுமிக்கும் அவருடைய ஆண் நண்பருடன் படுக்கை அறையில் ஒன்றாக இருப்பதை பார்த்து விஸ்வநாத் தனது லட்சுமியையும் அவரது ஆண் நண்பரையும் திட்டியுள்ளார்.

இதனால் விஸ்வநாத்துக்கும் அவருடைய மகளின் நண்பரான தர்மேந்திராவுக்கும் இடையே கைகலப்பு ஏற்பட்டுள்ளது. இருவருக்கும் இடையேயான கைகலப்பு முற்றவே லட்சுமி அவருடைய காதலருடன் இணைந்து தந்தையை தாக்க ஆரம்பித்தார். ஒரு கட்டத்தில் லட்சுமியும் தர்மேந்திராவும் இணைந்து விஸ்வநாத்தை மாடியிலிருந்து கீழே தள்ளிவிட்டுவிட்டு அங்கிருந்து தப்பியோடினர்.

இந்த சம்பவம் குறித்து, விஸ்வநாத்தின் மகன் சஞ்சய் கூறும்போது, தனது தந்தை மூன்றாவது மாடியிலிருந்து தள்ளிவிடப்பட்டதாகவும், விஸ்வநாத் கீழே தள்ளிவிடப்பட்ட பிறகு லட்சுமியும் அவருடைய காதலனுடன் தலைமறைவாகியுள்ளதாகவும் கூறினார். இதனால் தனது தந்தையின் மரணத்தில் லட்சுமிக்கும் தொடர்பு இருப்பதாக தெரிவித்தார் சஞ்சய்.

3வது மாடியிலிருந்து தள்ளிவிடப்பட்ட விஸ்வநாத்தின் அலறல் சத்தம் கேட்டு அவரது மனைவி காயத்ரி படுக்கை அறையை விட்டு வெளியே வந்து பார்த்தார். பின்னர் படுகாயமடைந்த கணவரை மருத்துவமனையில் அனுமதித்தார். மருத்துவமனையில் அனுமதிக்கப்பட்ட விஸ்வநாத் சிகிச்சை பலன் இன்றி உயிரிழந்தார்.

இதனால் வழக்குப் பதிவு செய்த போலீசார் கொலை செய்யப்பட்ட விஸ்வநாத்தின் மகளை கைது செய்தனர். தலைமறைவாகியுள்ள தர்மேந்திராவையும் போலீசார் தீவிரமாக தேடிவருகின்றனர்.

22511 total views