கார்த்திகை மாத ராசிபலன்கள்... மேஷம் முதல் மீனம் வரை! அடிக்கப்போகும் அதிர்ஷ்டம் யாருக்கு?

Report
265Shares

கார்த்திகை மாதம் முதல் நாள் அன்று சூரியன் துலாம் ராசியில் இருந்து விருச்சிக ராசியில் சஞ்சரிப்பார். துலாம் ராசியில் தனது பலத்தினை முழுமையாக இழந்து நீசம் என்ற நிலையில் சஞ்சரித்து வந்த சூரியன், தான் முழுமையாக வலிமை பெற தனது பயணத்தைத் துவக்கும் காலமே கார்த்திகை மாதம். நம் உடம்பில் உள்ள நாடி, நரம்புகள் எல்லாம் கார்த்திகை மாதத்தில்தான் சீராக இயங்கும் என்று சொல்வார்கள். இந்த காலத்தில் தியானத்தில் ஈடுபடுவோர்க்கு நிச்சயம் ஞானம் சித்தியாகும் என்பது அனுபவித்தவர்கள் கண்ட உண்மை. இந்த கார்த்திகை மாதத்தில் மேஷம் முதல் மீனம் வரை ராசிக்காரர்களின் அதிர்ஷ்டத்தை தற்போது பார்க்கலாம்.

மேஷம் முதல் கடகம் வரை இங்கே அழுத்தவும்

சிம்மம்

சூரியனை அதிபதியாகக் கொண்ட சிம்ம ராசிக்காரர்களே... கார்த்திகை மாதம் உங்களுக்கு யோகமான மாதம். அதிர்ஷ்டங்கள் தேடி வரும் பட்ட கஷ்டங்களுக்கு விடிவு காலம் பிறக்கும். கல்வி பயிலும் மாணவர்களுக்கு இருந்த இடைஞ்சல்கள் தீரும். கல்விக்கடன் கிடைக்கும். பிடித்த படிப்பு படிக்க நல்ல நேரம் கூடி வருது. உங்க ராசி அதிபதி சூரியன் ராசிக்கு நான்காம் வீடான சுக ஸ்தானத்தில் சஞ்சரிக்கிறார். புதன் கூடவே சஞ்சரிப்பார் இதனால் நன்மைகள் தேடி வரும். குரு அற்புதமான இடத்தில் சஞ்சரிக்கிறார். பிள்ளைகளுக்கு நல்லது நடக்கும் சுப செலவுகள் செய்வீர்கள். திருமணத்திற்காக காத்திருப்பவர்களுக்கு கார்த்திகையில் கெட்டிமேளம் சத்தம் கேட்கும். பிசினஸ் செய்பவர்களுக்கு கடன் உதவி கிடைக்கும், தொழிலில் பணம் முதலீடு செய்வீர்கள். பூர்வீக சொத்துக்களை விற்க முயற்சி செய்ய வேண்டாம். இப்போது கால சர்ப்ப தோஷத்தின் பிடியில் கிரகங்கள் சிக்கியுள்ளன என்றாலும் தொழில் லாபம் அதிகரிக்கும் வருமானம் கூடி வரும். காதல் கை கூடி வரும் காலம் வரப்போகிறது. சின்னச் சின்ன இடைஞ்சல்கள் வரலாம் கவனமாக இருங்க. தொட்டது துலங்கும் காலம் வந்து விட்டது. புத்திர தோஷத்தினால் குழந்தை பாக்கியம் இல்லாமல் இருந்தவர்களுக்கு குழந்தை பாக்கியம் கிடைக்கும்.

கன்னி

புதனை அதிபதியாகக் கொண்ட கன்னி ராசிக்காரர்களே படாத பாடு பட்டு வருகிறீர்கள். கஷ்டங்களுடனே வாழ்ந்து வருகிறீர்கள். இனி கிரகங்களின் சஞ்சாரம் உங்களுக்கு சாதகமாக இருக்கிறது. கிரகங்களின் சஞ்சாரம் சூரியன் முயற்சி ஸ்தானத்தில் இருக்கிறார். சுக ஸ்தானத்தில் குரு ஆட்சி பெற்று அமர்கிறார். சுப காரியங்கள் நடைபெறும். திருமண தடைகள் நீங்கும். முயற்சி திருவினையாக்கும். எதிர்பார்ப்புகள் நிறைவேறும். மாணவர்கள் நன்றாக படிங்க வெற்றிகள் தேடி வரும். குரு சனி கேது உடன் சேர்ந்திருப்பதால் இதுநாள்வரை இருந்த தடைகள் நீங்கும். புதிய வேலைகள் கிடைக்கும். அரசு தேர்வு எழுதுங்க நல்லதே நடக்கும். கடன்கள் அடைக்கும் அளவிற்கு பணம் தேடி வரும். யாருக்கும் பணம் கடன் கொடுக்காதீங்க அது திரும்ப வராது பணம் கொடுக்கல் வாங்கலில் கவனமாக இருங்க. யாரையும் நம்பி முதலீடு செய்யாதீங்க. பிற மொழிகளை கற்றுக்கொள்ள ஆர்வம் காட்டுங்க அது உங்க வேலைக்கு நல்லது. இந்த மாதம் விளக்கேற்றி வழிபடுங்க தீவினைகள் தீரும்.

துலாம்

சுக்கிரனை அதிபதியாகக் கொண்ட துலாம் ராசிக்காரர்களே உங்களுக்கு இந்த கார்த்திகை மாதம் சுமாரான மாதம். இதுநாள்வரை உங்க ராசியில் நீசம் பெற்றிருந்த சூரியன்,கார்த்திகை மாதத்தில் குடும்ப ஸ்தானத்தில் சஞ்சரிப்பார். சனி, குரு, கேது என மூன்றாம் வீட்டில் முக்கிய கிரகங்கள் கூட்டணி அமைத்துள்ளன. கஷ்டங்கள் விலகும் காலம் வந்து விட்டது. திருமணத்திற்கு வரன் பாருங்க. இன்னும் சில மாதங்களில் கை கூடி வரும். கால சர்ப்ப தோஷத்தில கிரகங்கள் இப்போது சிக்கியுள்ளன. துலாம் ராசிக்கு இப்போது ராஜயோக காலம் வந்து விட்டது. குழந்தைகளுக்காக காத்திருக்கும் தம்பதியருக்கு புத்திரபாக்கியம் கிடைக்க வாய்ப்பு உள்ளது. வெளிநாடு செல்லும் யோகம் கை கூடி வரப்போகிறது. கடன் வாங்க வேண்டாம். கடனை அடைக்க புதிய கடனை வாங்காதீங்க. முயற்சி செய்தாலும் கிடைக்காது. கடனில் சிக்கி தத்தளிக்க வேண்டாம். செய்யும் தொழிலில் லாபம் வரும் அதுதான் இந்த மாதத்தில் உங்களுக்கு ஆறுதலான விசயம். செவ்வாய் உங்க ராசியில் அமர்கிறார். கோபமாக பேச வேண்டாம் நஷ்டம்தான் ஏற்படும். இந்த மாதம் நீங்க பத்ரகாளியை வணங்க பாதிப்புகள் நீங்கும்.

விருச்சிகம்

சூரியன் ஜென்ம ராசியில் இருக்கிறார். புதன் உங்க ராசிக்கு வரப்போகிறார். உங்க ராசிநாதன் செவ்வாய் விரைய ஸ்தானத்தில் சஞ்சரிக்கிறார். குரு, சனி கேது இரண்டாம் வீட்டில் இருக்க சுக்கிரன் இரண்டாம் வீட்டில் இந்த கிரகங்களுடன் கூட்டணி சேர்கிறார். மாத இறுதியில் மூன்றாம் வீட்டிற்கு நகர்கிறார் சுக்கிரன். இடியே விழுந்தாலும் கண்டுக்காதீங்க. எதிலையாவது தலையிட்டு பிரச்சினையை இழுத்து விட்டுக்கொள்ள வேண்டாம். சனி நாக்கில் இருப்பதால் கவனமாக இருங்க. குருவினால் ராஜயோகம் வரும். பயணங்கள் சந்தோஷத்தை தரும். வேலையில் உற்சாகம் ஏற்படும். பதவி உயர்வு வருமான உயர்வு ஏற்படும். சிலருக்கு இடமாற்றம் ஏற்படும். புதிய வேலை கிடைக்கும். புதிய தொழில் தொடங்குவீர்கள். லாபமாக முடியும். மாணவர்களுக்கு உற்சாகம் அதிகமாகும் கவனம் செலுத்துவீர்கள். உங்களுக்கு வரக்கூடிய யோகங்களை சந்தோஷமாக அனுபவியுங்கள். குரு ராகு பார்வை வெளிநாடு வேலை வாய்ப்பிற்கு யோகம் உண்டு. சில சிக்கல்கள் இருப்பதால் கவனமாக இருங்க. சில மாதங்கள் காத்திருங்க. அரசு தொடர்பான வேலைகள் கிடைக்கும். அரசு தேர்வுகளில் வெற்றி கிடைக்கும். திடீர் திருமண வாய்ப்புகள் கைகூடி வரும். உங்க குடும்பத்தில் கவனமாக இருங்க. உடல் நலத்தில் அக்கறை காட்டுங்க. உங்களுக்கு ஏற்படும் பாதிப்புகள் குறைய நீங்க திருச்செந்தூர் முருகனை வணங்கவும்.

தனுசு

குருவை ராசி அதிபதியாக கொண்ட தனுசு ராசிக்காரர்களே... உங்க ராசியில் குரு சனி கேது, சுக்கிரனும் கூடவே அமரப்போகிறார். விரைய ஸ்தானத்தில் சூரியன், புதன் சேரப்போகிறார். குருவின் பார்வை சந்தோஷத்தை தரும். திருமணம் கை கூடி வரப்போகிறது. புத்திரபாக்கியம் கிடைக்கும். திருமணத்திற்கு உண்டான யோகம் வந்து விட்டது. வரன் பார்க்கத் தொடங்குங்கள். காதல் திருமணம் என அவசரப்பட வேண்டாம். ஏழாம் வீட்டில் ராகு இருந்து மண வாழ்க்கையில் பிரச்சினை ஏற்பட்டு வந்தது. குரு பார்வை களத்திர ஸ்தானத்தை பார்ப்பதால் குடும்பத்தில் ஒற்றுமை ஏற்படும். பிரிந்தவர்கள் கூட ஒன்று சேருவார்கள். உங்க தசாபுத்தி என்ன நடக்கிறது என்று பாருங்கள். சோம்பேறித்தனத்தை ஒத்திப்போடுங்கள் சுறுசுறுப்பாக மாறுங்கள். வேலை செய்யும் இடத்தில் உற்சாகமாக இருங்கள். நல்ல செய்தி தேடி வரும். ஏழரை சனியில் ஜென்ம சனி நடந்து வருகிறது. இன்னும் சில மாதங்களில் சனி பெயர்ச்சி நடைபெற உள்ளது தோஷங்கள் நீங்கும். சங்கடங்கள் நீங்க சிவ தரிசனம் பண்ணுங்க குடும்பத்தில் உள்ள குழப்பங்கள் நீங்கும்.

மகரம்

உங்க ராசிக்கு லாப ஸ்தானத்தில் சூரியன் சஞ்சரிக்கிறார். குரு, சனி, கேது விரைய ஸ்தானத்தில் சஞ்சரிக்கின்றனர். அரசு தொடர்பான லாபம் கிடைக்கும் உயரதிகாரிகளின் உதவி கிடைக்கும். ஏழரை சனி அதுவே விரைய சனி விரைய குருவாக இருக்கின்றனர். பத்தாம் வீட்டில் செவ்வாய் ஆறாம் வீட்டில் ராகு சஞ்சரிக்கிறார். இப்போது எல்லா கிரகங்களும் ராகுவின் பிடியில் சிக்கி சர்ப்ப தோஷமாக உள்ளன. பணம் வரவு செலவில் கவனமாக இருங்க. செலவுகளை குறைங்க. வரவு அதிகமாகும். தேவையற்ற பொருட்களை வாங்காதீங்க. கடன் வாங்கி விரைய செலவு பண்ணாதீங்க. அவசியம் ஏற்பட்டால் மட்டுமே எதையும் வாங்குங்கள் இல்லாவிட்டால் கடனாளி ஆகி விடுவீர்கள். தங்க நகைகளை இரவல் கொடுக்காதீங்க, விலை உயர்ந்த பொருட்களை பத்திரமாக பார்த்துக்கங்க இல்லாவிட்டால் விரையமாகிவிடும். குழந்தைகளை பத்திரமாக பார்த்துக்கங்க அவங்களால் மருத்துவ செலவுகள் வரலாம். வண்டி வாகனத்தில போகும் போது பத்திரமாக இருங்க. அலுவலகத்தில் மேலதிகாரிகளை பகைத்துக்கொள்ள வேண்டாம். யாரைப் பற்றியும் வம்பு பேசாதீங்க அது நல்லதில்லை. உங்களுக்கே வம்பாக முடியும். இந்த மாதம் பாதிப்புகள் குறைந்து நல்லது நடக்க சனிபகவானை விளக்கேற்றி வணங்குங்கள்.

கும்பம்

கும்ப ராசிக்காரர்களுக்கு இந்த மாதம் கிரகங்களின் சஞ்சாரத்தை பார்த்தால் தொழில் ஸ்தானத்தில் சூரியன், சுக்கிரன், பாக்ய ஸ்தானத்தில் செவ்வாய், லாப ஸ்தானத்தில் சனி, கேது, குரு, ஐந்தாம் வீட்டில் ராகு என கிரகங்கள் சஞ்சரிக்கின்றனர். கிரகங்கள் நல்ல இடத்தில் சஞ்சரித்தாலும் தொழிலில் ஏற்பட்ட பிரச்சினைகள் உங்களுக்குத்தான் தெரியும். வருமானம் அதிகம் தரும் புதிய வேலைகள் கிடைக்கும். சனி கேதுவினால் ஏற்பட்டிருந்த சங்கடங்கள் நீங்கும். திருமண தடைகள் நீங்கும். சிலருக்கு திடீர் திருமணங்கள் நடைபெற வாய்ப்பு வரும். கஷ்டங்கள் காணாமல் போகும் காலம் வந்து விட்டது. இந்த மாதம் மட்டுமல்ல இனிவரும் மாதங்களும் நல்லதாகவே நடக்கும். வீடு மனை வாங்குவீர்கள். கடன் வாங்கியாவது வீடு கட்டுவீர்கள். சந்திராஷ்டம நாட்களில் ஜாக்கிரதையாக இருங்க. வண்டி வாகனத்தில் போகும் போது ஜாக்கிரதை நிதானம் தேவை. குழந்தை பாக்கியம் கிடைக்கும். இந்த மாதம் நீங்க வெள்ளிக்கிழமை அன்னைக்கு விளக்கேற்றி வழிபடுங்கள்.

மீனம்

சூரியன் 9ஆம் வீட்டில் இருக்கிறார். பத்தாம் வீட்டில் சனி, கேது, குரு, நான்காம் வீட்டில் ராகு, எட்டாம் வீட்டில் செவ்வாய் என கிரகங்கள் சஞ்சரிக்கின்றன. தங்கம் வாங்கும் காலம் வருகிறது. புது வீடு கட்டும் யோகம் வருகிறது. கஷ்டங்கள் விலகும் காலம் என்றாலும் எட்டில் செவ்வாய் இருப்பதால் வண்டி வாகனங்களில் செல்லும் போது கவனம் தேவை. வியாபாரம் சின்ன சிக்கலோடு போகும். பிசினஸ் சுமார்தான். சிலர் வேறு பிசினஸ் செய்வீர்கள். திருமணம் செய்வதற்கான காலம் வரும் வரை காத்திருங்கள். மீன ராசிக்காரர்கள் வெளிநாட்டில் வசிப்பவர்களுக்கு இது நல்ல நேரம். புதிய வேலைகள் கிடைக்க வாய்ப்பு உள்ளது. உங்க படிப்புக்கு தகுந்த புதிய வேலைகள் கிடைக்கும். புதிய நட்புகள் உறவுகள் மூலம் நல்லது நடக்கும். கடன் வாங்காதீங்க கேட்டாலும் கிடைக்காது. கூட்டு பிசினஸ் செய்பவர்களுக்கு இது நல்ல நேரம். கவலைகள் தீர திங்கட்கிழமைகளில் சிவபெருமானை வணங்குங்கள்.

10534 total views