சிறுமியை மிரட்டி மீண்டும் மீண்டும் பலாத்காரம் செய்த ஆட்டோ ஓட்டுநர்கள்!

Report
686Shares

சென்னை அருகே பனையூரில் 13வயதுச் சிறுமியைப் பாலியல் பலாத்காரம் செய்து அதை வீடியோ எடுத்து மிரட்டி மீண்டும் மீண்டும் பலாத்காரம் செய்து வந்த ஆட்டோ ஓட்டுநர்கள் இருவரைக் காவல்துறையினர் கைது செய்து சிறையில் அடைத்தனர்.

சென்னை அருகே கிழக்குக் கடற்கரைச் சாலையில் உள்ள பனையூரில் கூலித் தொழிலாளியின் 13வயது மகளை அதே பகுதியைச் சேர்ந்த ஆட்டோ ஓட்டுநர்களான சாகுல், ரகமத்துல்லா ஆகிய இருவரும் 3மாதத்துக்கு முன் பாலியல் பலாத்காரம் செய்துள்ளனர்.

அதை வீடியோ எடுத்துக் கொண்டு அவ்வப்போது அந்தச் சிறுமியை மிரட்டிப் பாலியல் பலாத்காரம் செய்துள்ளனர். நேற்றும் இதுபோல் மிரட்டிப் பனையூர் குளத்தங்கரைக்குச் சிறுமியை அழைத்துச் சென்று பாலியல் பலாத்காரம் செய்துள்ளனர்.

இது குறித்துச் சிறுமி தனது தாயிடம் தெரிவித்ததை அடுத்து அதிர்ச்சியடைந்த அவர் கானத்தூர் காவல் நிலையத்தில் புகார் அளித்தார். அதன் அடிப்படையில் சாகுல், ரகமத்துல்லா ஆகிய இருவர் மீதும் போக்சோ சட்டத்தின் கீழ் வழக்குப் பதிந்த காவல்துறையினர் அவர்களைக் கைது செய்து சிறையில் அடைத்தனர்.

26774 total views